സ്കൂളിന്റെ വികസന സ്വപ്നങ്ങള്‍ യാഥാര്‍ത്ഥ്യമാക്കുന്നതിനുള്ള ശ്രമങ്ങളുടെ ഭാഗമായി മാറ്റിവെച്ച വിദ്യാലയവികസന സമിതി രൂപീകരണവും വികസന സെമിനാറും ഏപ്രീല്‍ 7 ന് വൈകുന്നേരം 3 മണിക്ക് വിദ്യാലയത്തില്‍ നടന്നു. നഗരസഭാ കൗണ്‍സിലര്‍ ശ്രീ. അബ്ദുറഹ്മാന്‍ ഉദ്ഘാടനം നിര്‍വ്വഹിച്ചു. സ്കൂള്‍ മാനേജ് മെന്റ് കമ്മറ്റി െചെയര്‍മാന്‍ ശ്രീ. ഷാജി അധ്യക്ഷനായിരുന്നു. സ്കൂള്‍ ഹെഡ്മാസ്റ്റര്‍ ശ്രീ. പി.വി.ദിവാകരന്‍ വിദ്യാലയ വികസന പദ്ധതികള്‍ പങ്കുവെച്ചു. പങ്കാളികള്‍ ചര്‍ച്ചയിലൂടെ അത് സമ്പുഷ്ടമാക്കി. ഇന്‍ഡോര്‍ സ്റ്റേഡിയം, കളിസ്ഥലം, ഹൈസ്കൂള്‍ അപ്ഗ്രഡേഷനം പശ്ചാത്തല സൗകര്യമൊരുക്കല്‍, ഉച്ചഭക്ഷണശാല, സ്മാര്‍ട്ട് ക്ലാസ് മുറികള്‍, കമ്പ്യൂട്ടര്‍ ലാബ്, പുതിയ ക്ലാസ് മുറികള്‍ തുടങ്ങിയ സാധ്യതകള്‍ ചര്‍ച്ച ചെയ്യപ്പെട്ടു. പ്രവര്‍ത്തനപദ്ധതി രൂപീകരിക്കാന്‍ ഹെഡ്മാസ്റ്ററെ ചുമതലപ്പെടുത്തി. വാര്‍ഡ് കൗണ്‍സിലര്‍ ചെയര്‍മാനും ഹെഡ്മാസ്റ്ററ്‍ കണ്‍വീനറുമായ വിദ്യാലയ വികസന സമിതിയുടെ രൂപീകരണവും നടന്നു. വിദ്യാലയത്തിന് അടിസ്ഥാന സൗകര്യവികസനത്തില്‍ ഏറെ മുന്നേറാന്‍ കൂട്ടായ ശ്രമമുണ്ടാകുമെന്ന ശുഭാപ്തി വിശ്വാസത്തോടെ വൈകുന്നേരം ആറ് മണിയോടെ സെമിനാറിന് സമാപനമായി.
No comments:
Post a Comment